Kaya Binoboo Si Coach Chot

Alam po natin na maraming basher ang Gilas Program Director at Mens Senior Coach na si Coach Chot Reyes.

Ngunit hindi po mga basher ang iba sa mga pumupuna kay Coach Chot at SBP, isama nyo na rin yung bumabatikos kay Mens Junior Coach na anak ni Coach Chot.

Marami po sa mga pumupuna ay totoong mga supporter ng Gilas. At hindi na nila makayanang hindi magsalita.

Maraming Problema

Mayroon po kasing kami-kami, tayo-tayo, sila-sila, nepotismo, palakasan, politika, negosyo, papogi, pasikat, padrama at personal na interes sa pamumuno ni Coach Chot. Huwag na pong tayong magbulag-bulagan at magtanga-tangahan.

Ito ay bukod pa sa madakdak at iba ang sinasabi niya sa ginagawa. Ginagawa lang uto-uto ng SBP at Coach Chot ang mga Pilipinong fans ng basketball.

Malaking Kahihiyan

Isa siyang kahihiyan sa mga nakaraan niyang kapalpakan, kagaya talo sa Cambodia, talo laban sa Indonesia (nagsilver sa SEA Games), laban sa Australia (nauwi sa rambol), laban sa Kazakhstan (magshoot sa sariling basketball) at pagkatalo sa mga iba pang team na mas mababa ang ranking kaysa Gilas. Eto at marami pang iba kagagawan niya ay nauwi sa malaking kahihiyan sa bayan.

FIBA WC 2023

Ito sana ang pagkakataong makilala ang bayan, ngunit imbes na palakasin at mag prepara ang Gilas kagaya ng ibang bansa, kagaya ng Japan at Lebanon ay kabaligtaran ang nangyari.

Sabi po niya pipili siya ng mga magagaling na player, sabi niya mayroong mahabang preparasyon, sabi ijudge siya pagkatapos ng WC, sabi niya wala naman planong manalo. Kaya ayan bumabagsak ang ranking ng Gilas habang ang iba ay tumataas at hindi na kinakatakutan ang Gilas.

Maglalagay siya ng mga baguhang player, pero di naman niya pinaglalaro, mag-iinit lang tumbong kakaupo.

Learning experience daw kaso puro mga paborito lang niyang player ang pinapasok sa laro, lawit na dila, masama ang laro di pa papalitan. Drible drible, ubos oras, hindi umiikot ang bola, undersize, basa na ng mga kalaban ang mga kilos, hindi nag-aadjust, daming sinisisi. Yung anak niya coach ng junior team, parang wala nang ibang coach sa bansa. At marami pang ibang mga ibang isyu.

Wala Nang Gilas

PBA at SBP at mga team na hindi nagpapahiram ng mga player at ayaw umamin na napag-iwanan na ang Pilipinas sa basketball at maraming magagaling na foreign coaches.

Itigil na natin ang politika. Aminin na natin na mas maganda sana ang kalalabasan ng programa at mga laban kung iba ang program director, at mga coach ng Gilas senior at junior teams, kung maraming player na sinama sa pool at kung mahaba ang preparasyon at hindi puro papogi, pa press release at palusot.

Ngunit nandyan na yan. Wala nang magagawa. Suporta na lang. Manood na lang ng mga laban.

Aminin na po natin, wala nang magagawa kungdi mamboo. Hindi lahat sila ay mga basher. Gumising na po tayo.

Source: ABS-CBN News

Kapatid, Kapuso, Kamote

Eto nanaman po ang mga magigiting na kababayan natin na walang magawa kungdi magbash ng kapwa nila.

Alam na natin na watak-watak po ang mga Pilipino at mukhang hindi na talaga magkaisa.

Kahit anong issue pinalalaki at pilit na pinupuna dahil magkakaiba po ng pinapanigan.

Yung mga milenyal, hindi masakyan mga damatan. Yung mga makaluma, hindi magets mga kabataan.

Ang mga Kapamilya panay ang bash sa Voltes V Legacy (VVL).

Ang mga Kapuso panay ang bash sa mga pumupuna sa VVL.

Ang mga fans ng VVL panay ang bash sa mga naglalabas ng live streaming at merch ng VVL, parang mga producer sila ng GMA.

Ang ibang mga Kapuso panay ang bash sa mga makaTVJ.

Ang mga Dabarkads panay ang bash sa Eat Bulaga at ang mga bagong hosts nito.

Ang mga makaJalosjos panay ang bash sa TVJ. Panay ang bigkas kay Pepsi pero walang sinasabi tungkol sa kaso ni Romeo Jalosjos.

Walang Live TV Coverage

Ang mga fans ng Filipinas (yung team na lalaban sa FIFA Womens World Cup) panay ang bash sa lahat ng TV Channel kasi walang maglalabas ng live sa FIFA Womens WC. Grabe naman kasi hinihingi ng FIFA. Pero sana meron din magtangka.

Yung mga fans ni Coach Chot panay ang bash sa mga fans ng Gilas na gustong maalis ang mag-amang Reyes sa Gilas, dahil sa favoritism at napaglumaang style na ng coaching nila. Dami namang kasing ibang coach diyan.

Yung Gilas nga pala yung team na hindi pa alam kung sino-sino maglalaro sa FIBA WC. Kasi ang SBP busing-busy sa paghanap ng palusot at sa pagbenta ng mga ticket kaysa magtalaga ng malakas na team para sa WC. Sa totoo lang ngayon palang talaga sila maghahanda, maghahanap talaga sila ng mga paluchot at talagang huli na sa preparasyon.

Yung mga fans ni Coach Chot panay ang banat kay Kai kasi daw bakit hindi niya inuna ang Gilas kaysa sa NBA. Hindi na nila naaalala o hindi nila alam na palagi ngang inuuna ni Kai ang Gilas. Naalis nga siya sa G League kasi inuna niya ang Gilas. Tapos si JC hindi naman nila binabash, selective much o sunod sunod lang sa mga paluchot.

Dagdag ko lang puspos ang training, panay panalo at pagtaas ng ranking ng Filipinas. Pero yung Gilas naman puro talo, kulang sa training at pababa ang ranking. Bakit kaya? WC noong panahon ni Coach Tab dikit lang mga laban, ngayong WC naghahanap na ng masisi at mga palusot kasi suntok sa buwan na lang ang tsansa. Pero at least sana maka-isa sa Angola.

Pasaway ang daming sport na lumalakas at malakas ang mga Pilipino pero walang suporta ng gobyerno. Ano ba yan?

Politika

At lahat halos nang ito ay nag-uugat sa politika o kung sino ang binoto o suportadong presidente o sa kung ano ang pagkakaperahan.

Kamote.

Politika, personal na interes at pera, ito talaga ang ugat ng mga problema at pagkawatak-watak ng mga Pilipino.

Gising Pilipinas!

Iisa lang ang ating lahi. Kahit half-Pinoy/Pinay pa, basta pusong Pinoy, Filipino pa rin. Ito ang lamang ng mga ibang bansang nakapaligid sa atin. Meron silang pagmamahal sa bayan nila at meron silang hiya at delikadesa.

Habang ang karamihan ng mga kababayan natin panay palusot sa mga walang hiya at walang delikadesa.