Wala Nanaman?

Presidential Debate

Wala nanaman ang isang naturang kandidato, mayroon nanamang pong dahilan.

Nandito sana siya, para makipagtalakayan, ngunit mayroon daw pong ibang lakad. Ano pa kaya ang mas mahalaga o mas importante maliban sa responsibilidad niya sa taong bayan? 

Ang laki ng tiwala ng anak ng dating pangulo na iboboto parin po siya ng kanyang mga taga suporta kahit na hindi siya dumadalo sa anumang debate.

O eto ay isang malaking sistema po nila dahil hindi nga naman malalaman ng mga manonood kung ano talaga ang kahinaan ni Junior kung hindi siya magkikipag debate.

Less Talk, Less Mistake

No Debate, No Mistake

Magaling na strategy yan. Mahirap naman talagang baguhin pa ang isip ng mga plano nang bumoto sa kanya maliban na po lamang kung mapapanood nilang mahina pala ang kanilang kandidato kapag nakipagdebate na sa kanyang mga katunggali na hindi umaayaw sa laban at hindi binabalewala ang kanilang katungkulan at respeto sa mga botante at ipakita sa mamamayan kung sino po ba talaga ang kanilang bibigyan ng kanilang boto -- botong pinag-iisipan, pinag-ninilaynilayan, ipinagdarasal, pinaglalaban at hindi ibenebenta o binabalewala.

Ang nakapagtataka pa po, na cyber attack pa ang CNN Philippines, sino kaya ang may pakana nito?

People Power 1986

Marami pong nagsasabi na lalo lamang lumala ang kalagayan ng Pilipinas pagkatapos ng ika 26 ng Pebrero 1986.

Tama po, lalo pong lumala sa dahilang malala na po ang lagay ng bansa sa panahon na yun. At nagsimula po ito ng dekada sisenta. Kaya nga po nagkaroon ng people power.

Musmos Pa

Yung wala pa pong muang at lalo na yung hindi pa po naipapanganak nong 1960, ano po ba talaga ang basehan ninyo?

Ang malaking problema po natin, maliban sa mga trapong politiko ay ang taong bayan po mismo -- mga bobotante po at madaling mapasayaw ng mga mapang akit na politiko.

Kung nagbabayad na po kayo ng buwis noong 1986 alam nyo po na dekada sitenta pa po nang magumpisang mag OFW ang mga Pilipino dahil sa hirap na po ng buhay sa Pilipinas. Marami na pong nag abroad, lalo na sa America, at karamihan po ay mga kababayan ng Presidente Marcos. Bakit po kaya?

Karamihan po ng Pilipino sa Hawaii at West Coast U.S. ay mga taga Norte, di po ba?

Nagbago Ngunit Sandali Lamang

Noong mga unang taon pagkatapos ng 1986, ang mga Pilipino po ay nagkaroon ng panandaliang pagmamahal sa bayan at naging mabubuting mamamayan. Sumusunod po sila sa batas at nagbabayad po ng tamang buwis.

Ngunit sadya pong malaking cancer na sa lipunan ang kultura ng katiwalian, bumalik lang po ang pagnanakaw sa kaban ng bayan, cronies, palakasan at lagayan at kung ano ano pang mga kaganapang nangyayari na ng matagal na panahon.

At ayan po ang kaganapan, balik nanaman po sa dating nakaugalian na. Dayaan, nakawanan, lamangan at kung ano't ano pa. Hindi po ito bago, lumang style na po.

Pilipinas gumising na po tayo, tayo po mismo ang makakalutas sa problema ng bayan, ngunit wala pong mangyayari kung ang mga trapong politiko ang ating paulit-ulit na iboboto.

Buy and Sell, philstar.com

Not Disqualified

Halalan 2022

Sa darating na eleksiyon mukhang ang anak ay sumusunod po sa yapak ng ama.

Ito ay dahil sa malamang ay malaki ang tsansang manalo sa pagkapangulo ang anak ng dating pangulo.

Kung hindi sasali sa mga debate o anumang talakayan ang anak ay wala nga pong naman masasabing mali at magkakamali. At marami naman po ibang tao ang nagsasalita at nagpapaliwanag para sa kanya.

At ang mga boboto sa kanya ay wala nga pong pag-asa pang magbago pa ng desisyon.

Ang naging desisyon ng Comelec na hindi ituloy ang  pagdisqualify sa anak ay isang malaking pako sa kabaong ng mga katunggali. Halos wala na po silang pag-asa.

Guilty Pero Lusot Pa Rin

Kung ang taong nahatulan na po ng mga kaso ay naturing na puede pa rin kumandidato sa pagkapangulo, ay tapos na po ang boksing bago pa mag-umpisa. 

Hindi naman po nakapagtataka, dahil ang kanyang ama ay nahatulan din po ng kasong pagpatay noong dekado sisenta. Death penalty pa nga po ang hatol. Ngunit na appeal po ito at nakalaya siya.

Yes, history repeats itself. Guilty na nalusutan pa. Parehong pareho. Like father, like son. Alin pa kaya ang mga pagkakapareho nila?

Di bale, hindi naman nagbago ang karamihan ng Pilipino, ganoon pa rin naman. Tulog o nagtutulugtulogan. Mahirap pong gisingin ang nagkukunwaring tulog. 

Nakakatawang Nakakaawa ang Pilipinas

 

Malapit na po ang halalan.

Malaking posibilidad na nakapili na po kayo ng iboboto ninyo. At ang mga diehard po, wala na po tayong magagawa para mabago pa po kung sino iboboto nila -- matagal na po silang bulag, pipi at bingi. 

Hindi ko po sila tinawag na tanga. Kasi po wala pong lunas ang katangahan. At wala rin pong gamot para sa mga nagbubulagbulagan at nagbibingibingihan. 

Undecided

Sa malamang ang maaari na lang pong magbago ay ang mga hindi pa po sigurado.

Sa totoo medyo malayo layo pa naman po ang eleksiyon at marami pa pong puedeng mangyari. Meron pa pong debateng mangyayari.

Ang isa pa pong problema ay ang mga kandidato po ay para din pong sa Amerika, wala pong pagpilian o parang pumipili lamang kayo ng "lesser evil".

Parang po si Biden o si Trump? Harris o Pence noong nakaraan. 

At Clinton o Trump, noong nauna.

Wala pong pagpipilian.

Huwag na po tayong mag-away-away mga kababayan. At huwag na huwag pong ibebenta ang boto ninyo. Mamili po ng maayos para po sa inyong kinabukasan at sa kinabukasan ng inyong mga anak at apo.

Ilang dekada pa po ba tayong maghihirap? Ang bansang Laos na po ang kalevel ng Pilipinas. Matagal na po tayong natalo ng Vietnam, Indonesia, Malaysia, Thailand at marami pa.

Sa basketball na lang po tayo mas angat sa kanila.

Natatawa at naaawa po ako sa bayan. Kayo po?

Hindi pa po ba kayo gigising sa mahabang pagkahimbing?

Bulag at Nagbubulagbulagan

Sa mga nabuhay noong panahon ng Martial Law sa Pilipinas at nagsasabi na noon ay:

1. Maunlad ang Pilipinas
2. Mayaman ang Pilipinas
3. Maraming pinapatay
4. Walang kalayaan
5. Masarap ang buhay
6. Mahirap ang buhay
7. At kung ano ano pa...

Tama po silang lahat!

Sa ibat ibang panig po ng Pilipinas, sa ibat-ibang sektor ng lipunan, iba iba po ang naging karanasan ng taong bayan. Kaya't tama po silang lahat.

Marami po ang umunlad. Marami po ang naghirap. Marami po ang namatay, pumatay at namatayan.

Hindi po natin maaalis sa kanila ang kanilang mga naging iba't ibang karanasan at ito po ay ikinuwento nila sa kanilang mga anak na naikuwento naman sa kanilang mga anak at apo.at sa lahat po na mahilig sa tsimis.

Botante

At ngayon po ay nasa social media na po ito at ang mga bagong botante po ngayon, ang mga kabataan ay sa kanilang kaisipan at kaalaman ay naniniwalang alam na alam na nila ang mga nangyari sa Pilipinas noong dekada 60 at 70.

Mga eksperto na po sila, dahil sa twitter, tik tok, instagram at youtube.

Ang hindi nila alam ay ang mga taong nabuhay po noon ay mahihintulad natin sa mga bulag na nakarating sa isang malayong lugar na doon ay ngayon pa lamang sila nakaranas na makakita ng elepante.

Ngunit sa kadahilang sila po ay bulag, nakakakita lamang po sila sa pamamagitan ng kanilang mga kamay. At depende po sa kung anong parte ng elepante ang kanilang nakita, ay eto po ang limitasyon ng kanilang kaalaman. Kung tinanong sa kanila kung paano nila ipapaliwanag ang elepante sa mga taong hindi naman nakaranas na makakita ng elepante, magiging iba iba po ang kanilang kasagutan. 

Blind Men and the Elephant

Eti rin po ang nangyari sa panahon ng Martial Law. Marami pong bulag noon, bulag sa nangyayari sa ibat ibang lugar. At ang masama po, marami rin pong nagbubulag bulagan.

Maganda at Pangit

Meron pong mga nakinabang. Meron pong nakakuha ng magagandang puwesto. Meron pong nakakuha ng magagandang kontrata. Meron pong nakakuha ng magagandang negosyo. 

Ngunit meron rin pong nawalan ng kabuhayan. Meron pong pinakulong. Meron pong pinaslang. Marami pong pinagbawal. Marami pong umalis ng bansa. Marami pong nag OFW. Marami pong naghirap. Marami pong pinaalis sa kanilang tirahan. Marami pong lumipat sa ibang lugar at naging squatter. Marami pong na kidnap at marami pong hindi na natagpuan.

Marami pong magandang nangyari. Ngunit marami rin pong hindi magandang nangyari.

At sabi po ng Guiness Book of World Records, sa kasaysayan, si Marcos po ang pinakamalaki ang ninakaw sa kaban ng bayan sa buong mundo. Ngunit para mga die hard Marcos loyalists, propaganda lang daw po ito.

https://www.guinnessworldrecords.com/world-records/65607-greatest-robbery-of-a-government

Ayon kay Lee Kuan Yew, kasabayan ni Marcos, at naging Prime Minister ng Singapore at naging rason sa pag unlad ng Siingapore noon at hanggang sa kasalukuyan, sinabi niya na, bobo ang mga Pilipino dahil...

Dahil po sa hindi siya bulag o nagbubulag bulagan. 

Bulag, Pipi at Bingi (at Tanga)

Okay, huwag po nating lahatin. Marami rin pong nagawang mabuti ang rehimeng Marcos. Ang masama ay maraming pumipili na kalimutan ang mga masamang nangyari sa panahong Martial law at ang mga masamang epekto nito.

Hindi na maka ahon ahon ang bansa pagkatapos ni Marcos sapagkat ang kultura ng katiwalian at ang kabobohan ng nakakarami ay naging susi upang patuloy na malubog sa kahirapan at kasamaan ang bayang tinubuan -- bayang tinubuan na ng kaisipang wala na tayong magagawa at wala na tayong pag asa at kaya't binebenta na lamang natin ang ating mga boto at patuloy na lang binabalik sa puwesto ang mga politikong wala naman ginawa kung hindi magnakaw sa kaban ng bayan.

Marami sa kanila ay nakikinabang rin sa bulok na sistemang nakasanayan na, kaya't sige lang tuloy ang ligaya.

Gising

Ngunit sa higit na nakararami na wala namang napapala sa kasalukuyang bulok na sistema, kailan kaya tayo magigising at maiisip na mayroong pag asa, kapag magka isa ang lahat at maging mabuting mamamayang nagmamahal sa bayan at pumipili ng tama at nararapat.

Marcos Pa Rin O Never Forget

Kamote

Throwback 2019 - Ano Ba Yan

Marcos Pa Rin O Never Forget

Eto nanaman po mga kababayan, nagkampi kampihan nanaman po ang mga Pilipinong magagaling.

Hindi nanaman po namamalayan na kahit po sinong politiko ang piliin nila, walang pong mababago kasi po ang trapo ay laging trapo at ang bobo ay laging bobo.

Kalahati po ng kabataan ngayon ay nagsasabing Marcos is the best President, kalahati po ay Never Forget.

Anong Alam Nila?

Lahat po naman sila ay walang kamuang-muang sa dekada sisenta at sitenta. Kahit po sa otsenta hindi pa po sila naipanganak, ngunit  kung magsalita, mukhang mas marami pa po silang alam sa mga nangyari noong  mga panahong iyon dahil po sa twitter, facebook at youtube o dahil Marcos loyalist po ang lolo nila o maka Tita Cory o sino man politiko.

Kamote

Lahat po ng mga politiko ay naupo at sa kalaunan naging ganid sa kapangyarihan at sa kaban ng bayan. At lahat po ay sangkot sa katiwalian. Ang politika po ay puno ng kasamaan at kasinungalingan. Yan po ang kultura nito.

Kapareho po sa mundong ginagalawan ng mga artista. Pare pareho silang mga pashowbiz.

Kahit na po sila ay mga banal man sa mata ng tao nang pumasok sa industriya (politika man o show business). Sa tagal po nila sa mundo ng mga sakim at ganid, magiging isa na rin po sila sa mga kasamahan nila.

Honest

Mabuti pa yung iba diyan, honest, at nagsasabing huwag natin ilagay sa anak ang kasalanan ng ama. Tama po ito.

At least, umamin na magnanakaw ang magulang.

Ngunit kung ano po amg puno, siya po ang bunga. Ang kamote po kapag itinanim, kamote po ang aanihin, hindi po kamatis o kang kong. 

At kahit po mabuti ang kalooban sa una, kapag po matagal na pong politiko, sa malamang gagawin na po ang lahat, masama man o mabuti para manatiling nakaupo sa puwesto. 

Opo, matagal nang kuwento yan, paulit-ulit na lang po, kasi marami pa pong bobotanteng hindi matuto tuto. Marami pong nagbebenta ng boto. Marami pong nakikitangay sa agos at bumoboto sa kadahilang yan po ang iboboto ng mga kabarkada o mga kapatiran o yan po ang utos sa itaas, o kung ano man ang sabi ng iba.

Ay nako po, wala po ba kayong sariling kaisipan. Gising po, ilang dekada na po ba ang nagdaan, ilang politiko na?

Sa matagal na pong panahon, ang mga umunlad at yumaman lang po ay yung mga nakaupo sa puwesto at yung mga malapit nilang kamag anak, kaibigan at kabarangay.

Kasali ka ba sa mga nakinabang noong mga panahong nakalipas? Malamang, kaya siguro yan ang paninindigan mo.

Kung hindi naman, malamang napanood mo lang sa youtube kaya naniwala ka na.

Gising. Nasubukan na po natin halos lahat ng iba't ibang klase at lahat po naging trapo.

Hindi po politiko ang problema, taong bayan po. Tayo po mismo.

Pumili po nang tama.

Kamote

Kamote

Eleksyon 2022

Eto mag-eeleksyon na uli.

Nangangampanya na po ang mga politiko.

Kampi-kampihan nanaman po. Balimbingan.
Banat dito, banat doon.
Tatakbo o di tatakbo.
Papogi at pabongga.

Korupyon

Hay naku mga bobotante, sana naman magising na po tayo.

Kapag po nahatulan na ng korupsyon o malakas na malakas na ang ingay ng pagnanakaw sa bayan at kung ano anong kabalastugan at anomalya, ay huwag na po nating iboto ulit.

Yung botong ibenebenta ninyo, ilang taon niyong babayaran yan,  pati mga anak at apo ninyo magbabayad. Kaya po walang kaase-asenso ang bayang Pilipinas.

Gising!

#Halalan2022