SBP at PBA ang Problema Ng Philippine Basketball

Huwag na po tayong maghanap ng rason o manuro kung sino sino ang may kasalanan sa pagbagsak ng ranking ng Gilas Pilipinas sa World at Asian FIBA Rankings.

Unang una na po, matanong lang sana natin -- wala na ba talagang ibang coach na mahanap ang SBP bukod sa mag amang Reyes? Kailangan po ba na ang father and son team talaga ang coach ng Senior at Junior Gilas Teams?

Busy

At bakit po ba kailangan hintayin si Coach Chot Reyes na busing busy pa sa PBA para lang maumpisahan ang preparasyon ng mga windows ng FIBA WC qualifiers? 

Granted po na pasok na ang Gilas sa WC dahil isa sila sa hosts, ang Japan ba o ang Indonesia na mga hosts din, ganito rin ba ang style nila? Hindi po, full blast po ang kanilang preparations, matagal na, at nasa adjustments na lang sila ngayon, at hindi ginagawang tryouts ang FIBA Tournaments.

At granted na na-eliminate ang Indon team sa WC kasi alam naman natin na mas mahina talaga sila kumpara sa Akatsuki 5 at Gilas. Pero malaki na po ang improvement nila.

Programa

Nakita naman natin na sa sandali pa lang na panahon under Coach Rajko natalo na agad ng Indonesia ang Gilas sa huling SEA Games. Isa po itong malaking black eye sa Gilas, sa PBA, sa SBP at sa lahat ng Filipino supporters ng Gilas.

Malaking kaululan po sa kadahilanang si Coach Rajko na dating namamahala ng programa ng Gilas na sinibak ng SBP ay siya pong kinuha ng Indonesia para palakasin ang programa nila at talunin ang Gilas.

Bagong Programa

Pag alis po ni Coach Rajko, nilagay naman natin si Coach Tab, at eto nanaman gumawa nanaman siya ng maayos na programa at may magandang plano na sana ay maipapakita ng Gilas sa World Cup ng 2023 na gaganapin sa Pilipinas.

Ngunit kagaya po ni Coach Rajko at sinabak rin si Coach Tab bilang program director ng Gilas at binasura ang programa niya kagaya ng programa ni Coach Rajko.

Inalis na rin po si Coach Nenad, mukhang napaso na talaga ang mga bosing ng SBP at PBA sa mga foreign coaches.

Balik Reyes Bara Bara Style

Ngayon pong 3rd window ng WC qualifiers, si Coach Nenad ang coach natin ngunit para po sa Asia Cup at 4th window, sabi ng ating magiting na kasalukuyang program director na si Coach Chot Reyes na siya na po ang magcocoach at mamimili ng mga player at ayan po, dahil sa kanya laglag po sa 9th place ang Gilas, laglag rin sa world ranking. Another black eye at learning experience, be patient kuno. 

Politika at Personal Interes

Para po maunawaan natin ang mga nangyayari sa SBP at sa PBA panoorin natin si Commissioner Noli, Commissioner Chino at The Dean Quinito.

Umpisa po sa 26 minute ang kainitan ng usapan

Huwag na po nating paikutin ang sambayanan. Kailangan na ng pagbabago sa National Basketball Program.

Ibalik po si Coach Rajko, o si Coach Tab at si Coach Nenad. Mayroon din silang mga naging assistant coaches na Pilipino na maitutuloy rin ang programang sinumulan nila. Hindi po uubra ang PBA style sa FIBA style, iba po ang laruan at rules nito. At hindi po tayo NBA na kahit ilang linggo lang ang preparation, mananalo pa rin. Tayo po, India na lang ang tatalunin, at mag ingat tayo, baka sa 2023 talunin na rin nila tayo.

Ang New Zealand po, ang Lebanon, at ang Syria dating hinawakan ni Coach Tab, malalakas na silang lahat. 2nd, 3rd at 4th po sila sa huling Asia Cup. Ang Indonesia po, tinalo ang Gilas sa huling SEA Games, gamit ang programa ni Coach Rajko. Dati na rin niyang hinawakan ang Jordan team na malakas na rin po ngayon.

Ang Gilas po kailan kaya lalakas uli?

Huwag na po nating lokohin ang mga fans. SBP at PBA, kailangan ninyo ang fans, kung wala pong suporta ng fans wala na pong PBA. At huwag na po nating hintayin na huwag suportahan ng taong bayan ang World Cup sa Pilipinas sa 2023.

Huwag na pong hintaying tuluyang mawalan ng gana ang mga fans. Dahil ang SBP parang PATAFA lang ang pamamahala. Si Juico pala nagresign na. Sa SBP, puros mga kapit tuko.

Mabuti pa ang PFF sa pamumuno ni Araneta ay nakagawa ng programang ginamit ng Filipinas at may magaling na foreign coach upang maka-abot ng FIFA World Cup. Football, volleyball, pati si Obiena, si Hidilyn, si Caloy, si Alex may mga foreign coach at trainers. 

Lahat ng ibang bansa kumukuha na ng mga foreign coach, SBP na matagal nang gumagawa nyan, pauso naman at ayaw na.

Boycott 

Petisyon Para Ibalik Si Coach Nenad at Coach Tab

Maid in Malacanang, Katips at Easter Sunday

Buwan Ng Wika

Nag-umpisa po ang Buwan ng Wika sa tatlong pelikula.

Maid

Ang unang pelikula ay ang "Maid in Malacanang". Ito po ay ilang lingo nang naging kontrobersiyal. At lalo naging viral dahilan sa mga komento ng direktor nito, ng mga Marcoses at yung history ay tsismis comment ng isa sa mga artista nito na kung sino sino na nakisaw saw.

Maid in Malacanang

Ang sinasabi ng mga Marcoses ay ito ay dokumentaryo ng mga pangyayari noong panahon na umalis sila sa bansa. Ang sabi naman ng direktor nito ay ito ay niresearch nila, pero hindi naman ito dokumentaryo, at ito ay pelikula o art lamang. 

Opo, talaga pong nakakalito, o ito po talaga ang gustong mangyari nang mga Marcos at ng direktor.

Sarado Na Ang Isip

Ang mahirap po, kahit na sabihin pa ni direk na ito ay kathang isip lamang, ay marami na pong Pilipino ang naniniwala na ang pelikulang ito ay nagpapakita ng mga totoong kaganapan.

Wala naman po tayong talagang magagawa, meron pong mga Pilipino na madaling maniwala. Marami pong naniniwalang mababait ang mga Marcos. At meron pong mga Pilipino na naniniwalang hindi sila mabubuting tao.

Huwag na nating pilitin na baguhin pa ang pinaniniwalaan ng bawat isa. Hindi na po natin mababago ito, sarado, kandado na.

Katips

Katips

Ang pangalawang pelikula ay ang musical na "Katips". Ito ay nagpapakita di umano ng mga pangyayari sa ilalim ng kuko ng Martial Law. Naging kontrobersiyal rin ito dahil itinapat talaga sa pelikulang "Maid", at marami rin sinasabi ang direktor nito.

Ito po ay nagpapakita ng estorya ng mga aktibista sa may lugar ng Katipunan na nagproprotesta sa mga kadilimang nangyari sa ilalim ng Martial Law. Marami pong naniniwala na walang mga nangyaring masama sa ilalim ng Martial Law. At yung iba po talagang naniniwala na maraming madidilim na pangyayari noong panahon ng Martial Law. Sarado na rin po ang kanilang isipan. 

Easter Sunday

Samantalang ang ikatlong pelikula ay mauunang ipapalabas sa America ngunit ipapalabas rin ito sa Pilipinas bago matapos ang Buwan ng Wika.

Iba po ang pelikulang ito dahil ito ay totoong pelikula. Ngunit hango rin po ito sa mga totoong nangyayari sa mga pamilyang Pilipino sa America at sa pamilya mismo ni Jokoy, yung bida sa pelikula.

Easter Sunday

Ito po ang unang pelikula na gawa ng isang major na American studio na tungkol sa mga Pilipino na mga Pilipino rin ang artista.

Ito po ay kinunan sa America at nagpapakita na habang sa Pilipinas po ang kinahihibangan ng mga tao ay politika at history, sa Amerika naman po ang pinagkaka abalahan naman ng mga Pilipino ay trabaho at paglaban sa diskriminasyon at ang maging masaya po kahit sa panandalian panahon lamang, kahit na sa panonood lang ng isang pelikula -- isang pelikula na tungkol sa kanilang lahi. Kung hindi nyo alam, napakarami pong Pilipino sa America at sa maraming bansa. Ngunit hindi po sila napapansin o napapahalagahan kahit po napakalaki ng kontribusyon nila sa mga bayang pinagtratrabahuhan nila. 

At mabuti naman na sa pagkahaba haba man ng panahon ay meron nang pelikula na kagaya ng "Easter". Sa wakas ay napansin na rin ang mga Pilipino.

Ito po sana ay maging mitsa ng tunay na pagkakaisa. Eto po talaga ang mahalaga sa bawat pamilyang Pilipino, ang pamilya mismo kahit meron mga hindi pagkakaintindihan, ay pamilya pa rin po.

At ang pagiging tunay na Pilipino ay ang kakayanang tawanan ang mga dinadaanan kahit na gaano ito kahirap.

Kita-kita po tayo sa mga sinehan, libre man o may bayad.

Rekomendasyon Para Sa Mga Fans Ng Gilas Pilipinas

Sa isang taon na po ang Basketball World Cup na gaganapin sa Pilipinas. At kahit na po magsilabas na lahat ng litid natin sa leeg kakasigaw ng "Alis Dyan" sa Coach of the Year, wala po talagang intensyong umalis ang taong sumira sa pangarap at kaligayahan ng milyon milyong Pinoy fans ng basketball.

Kahit po ano pa sabihin natin, kahit na mapaos pa o mahigh blood pa tayo, wala ring saysay.

Dahil hindi po aalis sa puwesto ang winningest coach ng Gilas Pilipinas. Hindi naman daw niya ito hiningi, inappoint siya.

Ngunit hindi lamang po siya ang problema ng programa sa basketball. Isa lamang po siya sa napakarami.

Problema

Kasama na ang SBP sa problema -- SBP na nagkukuripot po. Kasama na ang PBA -- PBA na nagdaramot po. Kasama na ang mga player na inuuna ang pagkakakitaan. O mag be beg off, sasabihing hindi makakalaro.

Kung buhay lang sila Lou Salvador Sr., Caloy Loyzaga, Bachmann, Badion, Carbonell at mga iba pang unang nakidigma sa mga dayuhan at hindi umatras, kahit na mas malalaki, mas mayayaman at mas malalakas pa ang mga kalaban, sigurado pag uuntugin nila tayong lahat.

Sila Bogs Adornado, Atoy Co, Robert Jaworski, Mon Fernandez, Samboy Lim, Allan Caidic, Hector Calma, Yves Dignadice, at napakarami pang player na nagsuot ng unipormeng Philippine Team, buhay pa po sila. Parang nakakahiya naman yata sa kanila at parang nasayang na lang ang kanilang mga sakripisyo't pinaghirapan. 

Hindi naman po natin masisisi ang coach, ang SBP, ang PBA, at mga player sa kasalukuyan. Pero meron po tayong say at dapat lang po, dahil kung walang fans walang PBA. Kung walang fans, wala silang pagkakakitaan. Kung walang fans, wala silang hanap buhay, wala silang milyon milyong suweldo. Hindi sila sisikat. 

Para Sa Bayan

Para sa bayan po ang pagrepresenta sa bayan. Ngunit kahit na po sa sarili pa nating bayan gaganapin ang World Cup, wala pa rin dating sa kanila. Na amnesia na po yata o sadyang naging gahaman o napahiya sa mga sinabi ni Coach Baldwin noon? Wala na po bang makabayang tao sa SBP? Mas makabayan pa po ba ang coach ng PFF? 

Boycott

Photo by Mario Tama

Kung ayaw naman po nilang makinig o pagbigyan ang hinahing ng mga fans na henarasyon nang nagbibigay ng kanilang suporta, madali naman kausap ang mga die hard fans.

Di na po sila bibili ng ticket ng anumang PBA games.  Hindi na sila bibili ng mga produkto ng PBA. Hindi na sila manonood ng PBA. Susuporta parin sa Gilas, pero hindi na sila bibili ng ticket sa World Cup, sa bahay na lang manonood ng mga laban ng Gilas.

Marami namang ibang liga. May liga sa America, sa Australia, sa Europa, sa Japan, Korea, Taiwan, China. At hindi nanaman kasing exciting manood sa PBA ngayon.

Filipinas

At sa totoo lang, mas exciting manood ng Malditas na ngayon at tinatawag nang Filipinas. Bukod sa napakababait nila, napakahuhusay, napaka humble, magaganda, cute at talaga pong nagpreprepara, nag uubos ng oras at binibigay lahat para manalo. Mayroon talagang short term at long term goals ang coach nila, at ang attitude niya ibang iba sa coach ng Gilas, kaya nilang manalo. Encouraging talaga.

Ang Gilas, wala nang gilas. Kailangan na ng pagbabago o kailangan na rin magbago ng pangalan.

Ang Filipinas ang husay, at ang husay pa ng programa ng PFF, ng kanilang coaching, conditioning at training staff at ang mindset nila ay talagang maabot ang ginto. Hindi sasali lang para sumali, pero sasali para manalo.

Wala pong rason para hindi suportahan ng bayan, bumili ng kanilang merchandise, bumili ng ticket ng mga laro nila at suportahan ng todo todo, dahil sulit naman po. Hindi po lugi ang bayan at ang fans sa PFF at Filipinas. 

Laban Pilipinas!

Kasali po sila sa FIFA World Cup sa isang taon rin po na gaganapin sa Australia. Ito po ang World Cup na hihintayin ng bayan.

Tsaka bukod sa football, puwede naman tayong maglaro sa baseball at volleyball, wala lang talagang suporta.

Noli, Chino at Quinito

Sa Bahay Na Lang Manood

Petisyon Para Ibalik Si Coach Nenad at Coach Tab

History At Tsismis, Lumaki Na Ng Lumaki Ang Apoy

Nag-umpisa po ang lahat sa isang inosenteng komento ng isang artista ng pelikulang "Maid in Malacanang".

SOURCE: philstar com

In fairness, publicity naman po ito para sa kontrobersyal na pelikula. At sinakyan na ng sinakyan ng kung sino sino. At sa kalaunan, eto po humihingi na ng cease fire ang artista laban sa mga batikos. Okay daw po siyang tirahin ng mga basher, huwag lang daw ang pamilya niya.

Pagsisi Ay Laging Nasa Huli

Ganyan po talaga ang mundo ng social media at internet. Yung pong ikinalat na dyan, hindi na puwedeng hugutin ulit. Magkakaroon po ito ng sariling buhay, tutubuan ng pakpak, kung saan saan makakarating, tatanda at mamatay na lang ng kusa. Wala na po tayong magagawa dyan.

Leksyon

Ngayon mayroon naman pong tama sa sinabi ng artista.

1. Sa maraming mga bagay, hindi natin alam ang totoong nangyari (lalong lalo na kung hindi pa tayo naipanganak noong mga panahong iyon, kaya huwag po tayong magmarunong o magmatigas na alam na alam natin ang mga nangyari).

2. Totoong parang tsismis ang history, kasi po lahat ng tao ay may sariling opinyon.

Ngunit ang totoong history po ay paglalahad ng nakaraan kahit pa hindi tayo sang ayon dito.

Mayroon na po bang nagtanong sa Direktor ng pelikula kung ano ang mga pangalan ng mga maid na kung saan hango ang pelikula niya?

Ang ibinintang laban po kila GOMBURZA (hindi po sila kilala sa tawag na MAJOHA, tsismis po ito) na dahilan para po sila patayin ay nakasulat po sa kasaysayan. History po ito. Basa basa pag may time.


Ang hindi marunong lumingon sa pinanggalingan ay hindi makakarating sa paroroonan. - Gat Jose Rizal

Kabataan Ang Pag-Asa Ng Bayan

Ibalik si Nenad Vucinic at Tab Baldwin sa Gilas

Bring back Nenad Vucinic as Coach & Tab Baldwin as Program Director of Gilas Pilipinas

(Ibalik si Nenad Vucinic at Tab Baldwin sa Gilas.)

Whereas the Philippines is a basketball crazy nation who has a hundred year tradition of playing the game.

(Samantalang ang Pilipinas ay isang bansang nahuhumaling sa larong basketball at may mahabang tradisyon ng paglalaro nito.)

Whereas the Philippines is hosting the FIBA World Cup in 2023.

(Samantalang sa Pilipinas gaganapin ang pandaigdigang kompetisyon ng larong basketball sa 2023.)

And whereas we already know that Nenad Vucinic & Tab Baldwin have the best chances, best plans and strategy for the Philippine Men’s Basketball Team to win international games.

(At samantalang alam na ng nakararami na sila Nenad Vucinic at Tab Baldwin ang may malaking pag-asa, at pinakamabisang plano upang manalo ang Gilas Pilipinas sa mga labanang internasyonal.)


We wish to petition to have Nenad Vucinic & Tab Baldwin take the helm again of steering Gilas starting now and for the SBP and all the Philippine Basketball Leagues to come together, including the players and get our acts together.

Filipino fans have enough of your stupid games, your posturing, lies, egos, politics and personal interests. This is for national pride.

(Magkaisa po tayo, SBP at lahat ng mga liga. Kasama na dito ang mga players. Bayan muna. Laban Pilipinas, ngunit hindi lamang puso kundi pati isip at national pride.)

Nenad - Chot - Tab

Magkaisa po tayo, hindi po ito tungkol sa politika. Hindi na po tayo mga batang asar talo. Pilipino po tayong lahat, sa basketball man lang po, magkaisa tayo. Bayan muna.

Sign and share Petition @ Change.Org

(Pumirma at ishare ang petisyon)

Director Pa Ang Dapat Idemanda

#TheKingmaker

Ay naku po sumakit naman ang ulo ko sa mga kababayan natin na nagsasabing yung direktor pa ng The Kingmaker ang dapat idemanda dahil ginamit niya yung larawan ni Madam.

Kung hindi nyo pa alam ang kaganapan ay huli na kayo sa balita.

Narito po ang billboard na pinag-uusapan natin, ito ay naging viral na. 

Credit: cnnphilippines.com

Ito po yung larawan ni Madam Imelda Marcos na bumabati sa kanyang kaarawan.

Maligayang kaarawan po.

Copyright

Ngunit sa kasamaang palad po, itong larawan ito ay hango sa isang pelikula sa direksyon ng isang Amerikano, si Lauren Greenfield.

At ito po ay ginamit ng walang pahintulot ng produksyon ng naturang pelikula.

Humingi Ng Tawad

Dali dali naman pong humingi ng paumanhin ang gumawa ng billboard. Bakit po kaya? Dahil po alam nilang kapag dinemanda sila ay matatalo sila sa korte at magbabayad ng napakalaking danyos. Sa Amerika po galing itong pelikulang ito, dolyares ang bayaran dito.

Kaya po sa mga kababayan natin, ingat sa copyright. At sa mga nagsasabing yung direktor pa ang dapat magbayad kay Madam dahil ginamit nila ang larawan niya -- naku po, mag-aral po muna tayo ng batas. May karapatan po sila sa larawan, at binigyan po sila ng permiso ni Madam. Yung pong gumawa ng billboard, hindi po sila himingi ng permiso at ayan himihingi na sila ng paumanhin. Mali pa nga yung spelling nila, naku po naman

Sakit parin po ng ulo ko. Di na po ako talaga nagtataka kung bakit pati sila Bong Revilla at Jinggoy Estrada ay nakabalik pa sa Senado. Mga botante, gising!

SBP at PBA

SPORTS

Noon po maraming magagaling na manlalarong Pilipino. At marami pong sports na malakas po ang mga Pilipino.

Mga one-on-one, magaling po tayo sa billiards, bowling, boxing, kahit po chess, tennis, athletics at iba pa.

Sa larangan po ng team sports, sa basketball po ay talagang hari tayo sa Asya. Ang mga kapitbahay po nating mga bansa nilalampaso tayo sa football (soccer), volleyball, baseball, badminton, table tennis at anu ano pang laro.

BASKETBALL

Opo, maliban lang sa basketball. Ito lamang po ang pinagyayabang natin laban sa kanila -- panahon pa po nila Lou Salvador, Caloy Loyzaga, Mon Fernandez, Samboy Lim, Allan Caidic, at sa ngayon June Mar Fajardo. 

PBA

Simula po ng 1970s ay humahabol na at nalagpasan na tayo ng mga ibang bansa sa Asya sa larangan ng basketball. Taong 1972 po nang mag-umpisa ang PBA.

Tayo pa rin po ang hari ng Southeast Asia, ngunit salamat po sa SBP, sa PBA at kay Coach Chot Reyes ay ngayon taon po ay hindi na.

Pati po ba Batang Gilas, Reyes Jr. pa rin ang Coach. Paurong po tayo, hindi po pasulong.

Nakita na po ng lahat na nakahabol na kahit ang mga ibang manlalaro sa SEA.

GISING

Matagal na panahon na po tayong nilalampaso sa mga larong kagaya ng volleyball at football. Pati po ba sa nag-iisang laro na malapit sa puso ng mga Pilipino ay makikita natin na tatalunin na rin tayo?

SBP, PBA, mga basketbolistang Pilipino wala po ba tayong kahihiyan? 

FIBA Asia Cup na po. Handa na po ang Indonesia.

Tapos FIBA World Cup na po. Ano pa po ba hinihintay ninyo? 

Mga Filipino fans po alam na ang gagawin, mga kalaban po natin sa Asya at ibang parte ng mundo naghahanda na, matagal na panahon na. May mga naturalized players na po sila. May mga basketball program na at mga foreign coaches. Matagal na rin silang nagprapraktis. 

Tayo po? Chot Reyes pa rin po at yung anak niya. Salamat po SBP at PBA.

UNITY