David Beats Goliath

This will be written in English for the benefit of Non-Filipinos.  (Nose bleed na po muna mga ibang kababayan natin, para po ito sa mga dayuhan.)

Philippine Basketball Association 
Commissioner's Cup 2022-23
Do or Die Game 7

Like David of the bible slayed the giant, Ginebra San Miguel (GSM) downed the awesome Bay Area Dragons (BAD) on January 15, 2023.

Lesson

This is a lesson in humility and not to be over confident.

On paper, the Dragons are probably the best and the best coached team to become a guest team in the PBA -- the oldest existing professional league outside the NBA.

The Dragons Are Bad

The Dragons are better financed, they are bigger, taller and have more consistent shooting. They have two imports and they have no height restrictions.

PBA

The league even bent over backwards and allowed the Dragons to chose which import to use in the Finals. This is the least the league can do for them because even though they agreed to come in and be a guest team, agree with the rules and the way the games are officiated, they will always be playing away games, even though there are a lot of crab mentality Filipinos backing them up and fighting with them and their cause. 

It's just hard luck that they had to play the crowd favorites of the most basketball crazy nation on earth, in their own court.

And the shell shocking they suffered inside the Philippine Arena playing infront of 55k fans was something they have no idea how to prepare for.

The good thing, no more excuses, no more looking for public sympathy, especially in the media and social media and finally being able to be gracious in defeat. Losing Game 7, the win or go home,  win or die, final game is and will be a big win because of the valuable lessons they will bring home with them.

All the best Bay Area Dragons and to your bandwagon Filipino fans.

The Philipines has been playing basketball for over 100 years and still sits among the best teams in Asia, no matter how bad they have been in recent years and depending on who's handling and coaching their national teams.

The Filipino fans only hope is if we cannot get a quality coach like that of the Dragons (Goorjian), or former coaches such as Coach Vucinic, Baldwin, or Toroman, at least let Coach Reyes be just the Basketball Director and let Coach Cone, coach of GSM be the head coach of Gilas in the World Cup in Manila.

Live By The 3, Die By The 3

The Dragons have been Golden State Warrior like, especially with their three point shooting. But like Ginebra died by not making their three point shots in the 4th quarter of Game 6, the Dragons should realize they will live and die with the three point shot.

And over confidence and under estimating your opponents is not a good look. Stop complaining, prepare, adjust and play the game.

This is especially written for the arrogant guests/members of Bay Area Dragons (you know who you are), and the Filipino bandwagoners of Bay Area Dragons.

Bay Area Dragons

Pangit Daw Voltes V Legacy

Talangka po talaga ang karamihan ng mga Pinoy. Ito ang rason kaya hindi umunlad unlad ang Pilipinas. Dagdagan pa na hati hati tayo dahilan sa pulitika, rehiyon, ideolihiya, relihiyon, henerasyon, TV network, fan ng celebrity at sports team at kung ano ano pa.

Hindi naman po masamang magreact, pumuna at mag comment.

Pero bakit may pambabash pa sa GMA at sa kapwa Pinoy? Tapos bakit may pambabastos pa at may nagsasabi pa na masisira ang kanilang childhood. Ano kaya yun? Pauso.

Kung hindi ka pa singkuwenta anyos o pataas, wala ka pa noong unang pinalabas ang Voltes V original anime. Hindi rin kayo nagmamadaling makauwi o naka abang na sa harap ng telebisyon kapag Biyernes ng hapon at tapos, Sabado kuwentuhan kayo ng mga kalaro nyo at pag Lunes kuwentuhan naman kayo ng mga kaklase ninyo.

Reklamador

Kung meron man magrereklamo ay yung TOEI Company Japan. Wala naman silang sinasabi diba?

Ang isang tamang reklamo, kung meron man ay dapat English dubbed, kasi yung mga Pinoy 70s, 80s ay pinanood ang original Voltes V tuwing Biyernes, English ang salita.

Nose Bleed

Marunong pa mag English mga Pinoy noon.

Anyway isa pang reklamong puwede ay yung acting medyo malamya pero okay na rin. 

Ang mahalaga may live animation version na, parang yung sa Amerika noong ginawa nila sa Transformers. Parang wala namang Amerikanong nagreklamo noon. Oo, kahit may mga nabago at may love angles.

Tapos grabe budget noon kaya di hamak na dapat grabe and resulta. Hirap kasi sa mga ibang Pinoy talangka lang at sadyang inggetero't inggetera lang talaga sa kababayan nila.

Itong sa GMA adaptation, okay na to.

Para sa mga matagal nang naghihintay at totoong fans at totoong nakapanood noong late 70s hindi na sila makahintay. Kahit mga Japanese fans at ibang lahi hinihintay na rin. Mga Pinoy lang talaga, maraming papansin o kulang sa pansin.

Di naman tayo pinipilit manood, nood tayo ng nood. Doon na lang tayo sa network natin.

Kung pangit ang Voltes V Legacy, simple, huwag manood.

Kaya mga bashers, tuloy nyo lang pambash kung dyan kayo masaya. Pero sa mga totoong fans, let go at let's volt in....

Mo-u chi-kai

PBA Luto Daw

 

t

Last 3.30 mins of Game 3

Talangka po talaga ang karamihan ng mga Pinoy. Ito ang rason kaya hindi umunlad unlad ang Pilipinas. Dagdagan pa na hati hati at watak watak dahil sa pulitika, rehiyon, ideolihiya, relihiyon, henerasyon, TV network, fan ng celebrity at sports team at kung ano ano pa.

Ang PBA po ang pinakamatagal na paliga ng basketball sa buong mundo sa labas ng NBA. Matagal nang ganyan yan. Bago pa ipinaganak ang karamihan sa atin.

Kapag may dayo, kahit saan mang paliga, talagang kakalabanin mo ang kaba, niyerbiyos, mga tawag ng ref at home court advantage lalong lalo na po kapag finals na at wala ka pang championship experience.

Kahit saan sa mundo ganyan.

Ang hirap sa maraming mga kababayan po natin ay di pa kasi nakalabas ng bansa, akala nila Pilipinas ang pinakamasamang bansa. Kahit saan pong bansa ganyan talaga. At mas grabe po ang lutuan sa ibang bansa. Sa Qatar nga noong huling FIBA Asia (World Cup Qualifying Window), halos hindi nila pinapasok ang mga Pinoy na manood sa arena nila, at naglaan lang sila ng maliit na lugar sa tuktok at gilid ng stadium para sa mga Pinoy na manood sa Gilas, grabe diba? Nagreklamo ba ang mga kababayan natin at nagsabi ng luto?

Lutong Macau

Ang problema po ay sa China na lumipat at kumampi ang mga galit sa Ginebra. Hindi po ba nila alam na mas grabe ang lutong Macau doon? Ginigisa talaga sa sariling mantika ang mga dayo, maging Olympics man yan o ano mang event, kahit FIBA sanctioned pa po, lutong luto. Nakalimutan na ba nilang mga talangka ang Gilas-China FIBA Asia Finals na ginanap sa China noong 2015?

Talagang kilala sa home court decision at lahat ginagawa nila para makaroon sila ng advantage. May mga ilang tawag na papabor sa kanila kabag sa kanila ginaganap ang mga laro. Normal po yan. Ganyan talaga kapag ang laro ay sa home court ninyo.

Kahit mangilan ngilan lang o kahit tatlong tawag lang ay kayang mabago ang laro o ang momentum at kalalabasan ng laro. Tsaka nasa emosyon po ng mga nanonood na fans. Nadadala po ang mga player na maglaro ng maayos o lalong niyerbiyosin. Kahit mga referee nadadala rin. At may mga larong sadyang malas lang. Bilog po ang bola.

Home Court Advantage

Ang Ginebra po alam talaga natin na fan favorite kaya ang laro nila ay palaging home court. Parang Bulls po noong time nila Jordan at Pippen, Lakers po noong time ni Kareem at Magic, at noong time ni Shaq at Kobe, at Cavs po noong magkasama pa si Lebron at Kyrie.

Kaya ang Bay Area Dragons dayo sila, sila ang makikibagay sa rules ng ligang sinalihan nila, sa court na nilalaruan, sa flow ng laro at sa tawag ng mga ref. Hindi naman po sila pinilit na sumali. 

Kailangan mabilis at magaling talaga mag adjust ang mga player at coaching staff. Kapag hindi nila mabasa agad ang pagpito ng ref at mga play at momentum ng kalaban, matatalo talaga sila, lalo na haluan pa ng hiyawan at pang aasar ng fans. Finals na po, talagang matira matibay.

Mga Pinoy po talagang hindi magkakaisa, hati po dahil sa iba ibang dahilan. Ang PBA po hindi perpekto, ngunit ganyan talaga ang buhay. Mag enjoy na lang po ng mga laban, o kaya huwag nang manood. Simple lang po. Sadya talagang maraming hindi masaya sa buhay kaya panay ang reklamo at magrereklamo lalo na sa online. Mga Keyboard Warriors po ang tawag sa kanila.

PBA luto daw? Totoo po, to a certain extent. Ngunit ganyan talaga kahit saan ka man mapunta. Huwag na pong magbobo bobohan o bulag bulagan. Alam po ito ng ating mga magigiting na OFW, noong nasa abroad po sila, sila po ang nakikibagay, sumasayaw sa tugtog at sumusunod sa agos ng ilog at ihip ng hangin sa bayang pinuntahan nila.

Relaks lang po, basketball lang yan. China pa talaga kinampihan ninyo ha. 

At Bay Area Dragons, reklamo din kayo? Sana ginawa nyo home and away games, sa Pilipinas at sa China, parang NBA, gastos nyo.

Coach Chot Reyes

Love him o hate him, wala na po tayong magagawa. Ayaw niya talagang bumitiw sa pagka head coach at program director ng Gilas Pilipinas. Pilit po nilang pinalalabas na mas magaling ang local coaches kaysa foreign coaches.

Opo kahit tinalo pa siya ng Indonesia sa SEA games na gamit ang formula at foreign coach na pina alis ng Gilas, si Coach Rajko. 

Nabubuking Kasi

Bakit kaya pinaalis ang mga foreign coaches, dahil kaya mas magaling ang local coaches? O dahil nabubuking na mas magaling ang foreign coaches, kapag mga international games? 

Alam naman marahil ng marami sa atin na, halos lahat ng bansa gumagaling na sa basketball. Bakit po? Dahil kumukuha na sila ng foreign coaches at gumagamit ng mga sistema na nauna nang pinatupad ng mga programa ng Gilas sa matagal na panahon, kay Coach Jacobs pa.

Ginaya lang po ng ibang bansa ang Gilas at ayan tinatalo na nila tayo, dahil tayo naman ay nagpupumilit sa mag amang Reyes bilang ating mga head coaches. Bakit kaya, parang wala na bang ibang coach.

Dalawang Ilog

At ayan dahil busy pa at namamangka si Coach Chot sa dalawang ilog, talo na sa SEA games, talo na sa Asian games, talo pa sa World Cup qualifiers, talo pa sa PBA, at sa malamang walang maipapanalo sa World Cup sa isang taon na tayo pa mismo ang isa sa mga host.

Tapos Na Po Ang Laban

Wala na pong saysay na makipagtalo sa issue ni Coach Chot. Alam na ng nakararami ang mga nangyayari -- palakasan, padrino, politika, nepotism, favoritism, personal na interes, ego, pride, kulang sa preparasyon, paawa epek at PR.

Hindi po tayo mananalo kapag ganito ng ganito ang palakad. At ayan po, kaya umalis si Coach Nenad at kaya binoboo na ng taong bayan si Coach Chot kahit nasa Pilipinas na ang laro. Hindi mga player ang binoboo, si Coach Chot lang bilang head coach at program director, at ang SBP dahil nagresign na daw si Coach Chot pero dahil siya lang daw ang karadapat na coach, siya lang dapat ang coach, forever. Denied ang resignation. Kapag ibang coach, di pa nagreresign, tanggal na.

PSC

At ayan kahit na nilagay pa sa PSC si Komisyoner Noli, wala rin mangyayari. Noon matapang niyang binabanatan ang SBP, ngunit noong nilagay sa puwesto, ang sabi niya kasi noon fan lang din siya, ngayon iba na raw, hinay hinay na. May imbestigasyon pa nga daw sa senado, pero wala rin nangyari.

Atapang Atao

Si Coach Tab lang talaga ang may tibay ng dibdib na bumangga at nagsalita laban sa maling sistema ng basketball sa bansa. At nakita naman natin ang resulta, naging persona non grata, kaya lahat tumahimik na, kahit si Coach Nenad, umexit na lang para wala na sa eksena.

Meron tayong magandang programa noon sa ilalim ng mga foreign coaches. Meron pa ngang 23 for 2023, preparasyon talaga yun para sa WC sa isang taon. Ayun, nabasura lang kasi si Coach Chot na ang program director, siya lang magaling.

Sakalam

Bilang program director, magaling talaga si Coach Chot. Biruin mo, priority daw ang Gilas pero busing busy naman sa PBA. At ang nakahiya pa, mas maganda pa ang preparasyong ginagawa ng UP, De la Salle at Ateneo para sa UAAP, kaysa sa Gilas na hanggang ngayon bara bara parin at planning stage, learning experience at wala naman planong manalo style na paghahanda para sa WC. Lakas loob nating maghohost, di naman maghahanda, ano kaya yun, parang feeling nila NBA sila.

Para Sa Bayan

Ang Gilas Pilipinas po ay dapat para sa bayan. Marami nang sawa na, wala nang gana at nawawalan na ng pag-asa, kaya nga marahil binabastos na nila si Coach Chot.

Ngunit kahit anong sigaw ninyo wala na pong saysay. Ang mas mabuti na lang gawin ngayon ay manahimik na lang, maging sibilisado. Siyempre suporta parin pero huwag nang gumastos. Huwag nang bumili ng ticket para manood ng mga laro. Sa bahay na lang manood.

Boycott

SBP at PBA ang Problema Ng Philippine Basketball

Huwag na po tayong maghanap ng rason o manuro kung sino sino ang may kasalanan sa pagbagsak ng ranking ng Gilas Pilipinas sa World at Asian FIBA Rankings.

Unang una na po, matanong lang sana natin -- wala na ba talagang ibang coach na mahanap ang SBP bukod sa mag amang Reyes? Kailangan po ba na ang father and son team talaga ang coach ng Senior at Junior Gilas Teams?

Busy

At bakit po ba kailangan hintayin si Coach Chot Reyes na busing busy pa sa PBA para lang maumpisahan ang preparasyon ng mga windows ng FIBA WC qualifiers? 

Granted po na pasok na ang Gilas sa WC dahil isa sila sa hosts, ang Japan ba o ang Indonesia na mga hosts din, ganito rin ba ang style nila? Hindi po, full blast po ang kanilang preparations, matagal na, at nasa adjustments na lang sila ngayon, at hindi ginagawang tryouts ang FIBA Tournaments.

At granted na na-eliminate ang Indon team sa WC kasi alam naman natin na mas mahina talaga sila kumpara sa Akatsuki 5 at Gilas. Pero malaki na po ang improvement nila.

Programa

Nakita naman natin na sa sandali pa lang na panahon under Coach Rajko natalo na agad ng Indonesia ang Gilas sa huling SEA Games. Isa po itong malaking black eye sa Gilas, sa PBA, sa SBP at sa lahat ng Filipino supporters ng Gilas.

Malaking kaululan po sa kadahilanang si Coach Rajko na dating namamahala ng programa ng Gilas na sinibak ng SBP ay siya pong kinuha ng Indonesia para palakasin ang programa nila at talunin ang Gilas.

Bagong Programa

Pag alis po ni Coach Rajko, nilagay naman natin si Coach Tab, at eto nanaman gumawa nanaman siya ng maayos na programa at may magandang plano na sana ay maipapakita ng Gilas sa World Cup ng 2023 na gaganapin sa Pilipinas.

Ngunit kagaya po ni Coach Rajko at sinabak rin si Coach Tab bilang program director ng Gilas at binasura ang programa niya kagaya ng programa ni Coach Rajko.

Inalis na rin po si Coach Nenad, mukhang napaso na talaga ang mga bosing ng SBP at PBA sa mga foreign coaches.

Balik Reyes Bara Bara Style

Ngayon pong 3rd window ng WC qualifiers, si Coach Nenad ang coach natin ngunit para po sa Asia Cup at 4th window, sabi ng ating magiting na kasalukuyang program director na si Coach Chot Reyes na siya na po ang magcocoach at mamimili ng mga player at ayan po, dahil sa kanya laglag po sa 9th place ang Gilas, laglag rin sa world ranking. Another black eye at learning experience, be patient kuno. 

Politika at Personal Interes

Para po maunawaan natin ang mga nangyayari sa SBP at sa PBA panoorin natin si Commissioner Noli, Commissioner Chino at The Dean Quinito.

Umpisa po sa 26 minute ang kainitan ng usapan

Huwag na po nating paikutin ang sambayanan. Kailangan na ng pagbabago sa National Basketball Program.

Ibalik po si Coach Rajko, o si Coach Tab at si Coach Nenad. Mayroon din silang mga naging assistant coaches na Pilipino na maitutuloy rin ang programang sinumulan nila. Hindi po uubra ang PBA style sa FIBA style, iba po ang laruan at rules nito. At hindi po tayo NBA na kahit ilang linggo lang ang preparation, mananalo pa rin. Tayo po, India na lang ang tatalunin, at mag ingat tayo, baka sa 2023 talunin na rin nila tayo.

Ang New Zealand po, ang Lebanon, at ang Syria dating hinawakan ni Coach Tab, malalakas na silang lahat. 2nd, 3rd at 4th po sila sa huling Asia Cup. Ang Indonesia po, tinalo ang Gilas sa huling SEA Games, gamit ang programa ni Coach Rajko. Dati na rin niyang hinawakan ang Jordan team na malakas na rin po ngayon.

Ang Gilas po kailan kaya lalakas uli?

Huwag na po nating lokohin ang mga fans. SBP at PBA, kailangan ninyo ang fans, kung wala pong suporta ng fans wala na pong PBA. At huwag na po nating hintayin na huwag suportahan ng taong bayan ang World Cup sa Pilipinas sa 2023.

Huwag na pong hintaying tuluyang mawalan ng gana ang mga fans. Dahil ang SBP parang PATAFA lang ang pamamahala. Si Juico pala nagresign na. Sa SBP, puros mga kapit tuko.

Mabuti pa ang PFF sa pamumuno ni Araneta ay nakagawa ng programang ginamit ng Filipinas at may magaling na foreign coach upang maka-abot ng FIFA World Cup. Football, volleyball, pati si Obiena, si Hidilyn, si Caloy, si Alex may mga foreign coach at trainers. 

Lahat ng ibang bansa kumukuha na ng mga foreign coach, SBP na matagal nang gumagawa nyan, pauso naman at ayaw na.

Boycott 

Petisyon Para Ibalik Si Coach Nenad at Coach Tab

Maid in Malacanang, Katips at Easter Sunday

Buwan Ng Wika

Nag-umpisa po ang Buwan ng Wika sa tatlong pelikula.

Maid

Ang unang pelikula ay ang "Maid in Malacanang". Ito po ay ilang lingo nang naging kontrobersiyal. At lalo naging viral dahilan sa mga komento ng direktor nito, ng mga Marcoses at yung history ay tsismis comment ng isa sa mga artista nito na kung sino sino na nakisaw saw.

Maid in Malacanang

Ang sinasabi ng mga Marcoses ay ito ay dokumentaryo ng mga pangyayari noong panahon na umalis sila sa bansa. Ang sabi naman ng direktor nito ay ito ay niresearch nila, pero hindi naman ito dokumentaryo, at ito ay pelikula o art lamang. 

Opo, talaga pong nakakalito, o ito po talaga ang gustong mangyari nang mga Marcos at ng direktor.

Sarado Na Ang Isip

Ang mahirap po, kahit na sabihin pa ni direk na ito ay kathang isip lamang, ay marami na pong Pilipino ang naniniwala na ang pelikulang ito ay nagpapakita ng mga totoong kaganapan.

Wala naman po tayong talagang magagawa, meron pong mga Pilipino na madaling maniwala. Marami pong naniniwalang mababait ang mga Marcos. At meron pong mga Pilipino na naniniwalang hindi sila mabubuting tao.

Huwag na nating pilitin na baguhin pa ang pinaniniwalaan ng bawat isa. Hindi na po natin mababago ito, sarado, kandado na.

Katips

Katips

Ang pangalawang pelikula ay ang musical na "Katips". Ito ay nagpapakita di umano ng mga pangyayari sa ilalim ng kuko ng Martial Law. Naging kontrobersiyal rin ito dahil itinapat talaga sa pelikulang "Maid", at marami rin sinasabi ang direktor nito.

Ito po ay nagpapakita ng estorya ng mga aktibista sa may lugar ng Katipunan na nagproprotesta sa mga kadilimang nangyari sa ilalim ng Martial Law. Marami pong naniniwala na walang mga nangyaring masama sa ilalim ng Martial Law. At yung iba po talagang naniniwala na maraming madidilim na pangyayari noong panahon ng Martial Law. Sarado na rin po ang kanilang isipan. 

Easter Sunday

Samantalang ang ikatlong pelikula ay mauunang ipapalabas sa America ngunit ipapalabas rin ito sa Pilipinas bago matapos ang Buwan ng Wika.

Iba po ang pelikulang ito dahil ito ay totoong pelikula. Ngunit hango rin po ito sa mga totoong nangyayari sa mga pamilyang Pilipino sa America at sa pamilya mismo ni Jokoy, yung bida sa pelikula.

Easter Sunday

Ito po ang unang pelikula na gawa ng isang major na American studio na tungkol sa mga Pilipino na mga Pilipino rin ang artista.

Ito po ay kinunan sa America at nagpapakita na habang sa Pilipinas po ang kinahihibangan ng mga tao ay politika at history, sa Amerika naman po ang pinagkaka abalahan naman ng mga Pilipino ay trabaho at paglaban sa diskriminasyon at ang maging masaya po kahit sa panandalian panahon lamang, kahit na sa panonood lang ng isang pelikula -- isang pelikula na tungkol sa kanilang lahi. Kung hindi nyo alam, napakarami pong Pilipino sa America at sa maraming bansa. Ngunit hindi po sila napapansin o napapahalagahan kahit po napakalaki ng kontribusyon nila sa mga bayang pinagtratrabahuhan nila. 

At mabuti naman na sa pagkahaba haba man ng panahon ay meron nang pelikula na kagaya ng "Easter". Sa wakas ay napansin na rin ang mga Pilipino.

Ito po sana ay maging mitsa ng tunay na pagkakaisa. Eto po talaga ang mahalaga sa bawat pamilyang Pilipino, ang pamilya mismo kahit meron mga hindi pagkakaintindihan, ay pamilya pa rin po.

At ang pagiging tunay na Pilipino ay ang kakayanang tawanan ang mga dinadaanan kahit na gaano ito kahirap.

Kita-kita po tayo sa mga sinehan, libre man o may bayad.

Rekomendasyon Para Sa Mga Fans Ng Gilas Pilipinas

Sa isang taon na po ang Basketball World Cup na gaganapin sa Pilipinas. At kahit na po magsilabas na lahat ng litid natin sa leeg kakasigaw ng "Alis Dyan" sa Coach of the Year, wala po talagang intensyong umalis ang taong sumira sa pangarap at kaligayahan ng milyon milyong Pinoy fans ng basketball.

Kahit po ano pa sabihin natin, kahit na mapaos pa o mahigh blood pa tayo, wala ring saysay.

Dahil hindi po aalis sa puwesto ang winningest coach ng Gilas Pilipinas. Hindi naman daw niya ito hiningi, inappoint siya.

Ngunit hindi lamang po siya ang problema ng programa sa basketball. Isa lamang po siya sa napakarami.

Problema

Kasama na ang SBP sa problema -- SBP na nagkukuripot po. Kasama na ang PBA -- PBA na nagdaramot po. Kasama na ang mga player na inuuna ang pagkakakitaan. O mag be beg off, sasabihing hindi makakalaro.

Kung buhay lang sila Lou Salvador Sr., Caloy Loyzaga, Bachmann, Badion, Carbonell at mga iba pang unang nakidigma sa mga dayuhan at hindi umatras, kahit na mas malalaki, mas mayayaman at mas malalakas pa ang mga kalaban, sigurado pag uuntugin nila tayong lahat.

Sila Bogs Adornado, Atoy Co, Robert Jaworski, Mon Fernandez, Samboy Lim, Allan Caidic, Hector Calma, Yves Dignadice, at napakarami pang player na nagsuot ng unipormeng Philippine Team, buhay pa po sila. Parang nakakahiya naman yata sa kanila at parang nasayang na lang ang kanilang mga sakripisyo't pinaghirapan. 

Hindi naman po natin masisisi ang coach, ang SBP, ang PBA, at mga player sa kasalukuyan. Pero meron po tayong say at dapat lang po, dahil kung walang fans walang PBA. Kung walang fans, wala silang pagkakakitaan. Kung walang fans, wala silang hanap buhay, wala silang milyon milyong suweldo. Hindi sila sisikat. 

Para Sa Bayan

Para sa bayan po ang pagrepresenta sa bayan. Ngunit kahit na po sa sarili pa nating bayan gaganapin ang World Cup, wala pa rin dating sa kanila. Na amnesia na po yata o sadyang naging gahaman o napahiya sa mga sinabi ni Coach Baldwin noon? Wala na po bang makabayang tao sa SBP? Mas makabayan pa po ba ang coach ng PFF? 

Boycott

Photo by Mario Tama

Kung ayaw naman po nilang makinig o pagbigyan ang hinahing ng mga fans na henarasyon nang nagbibigay ng kanilang suporta, madali naman kausap ang mga die hard fans.

Di na po sila bibili ng ticket ng anumang PBA games.  Hindi na sila bibili ng mga produkto ng PBA. Hindi na sila manonood ng PBA. Susuporta parin sa Gilas, pero hindi na sila bibili ng ticket sa World Cup, sa bahay na lang manonood ng mga laban ng Gilas.

Marami namang ibang liga. May liga sa America, sa Australia, sa Europa, sa Japan, Korea, Taiwan, China. At hindi nanaman kasing exciting manood sa PBA ngayon.

Filipinas

At sa totoo lang, mas exciting manood ng Malditas na ngayon at tinatawag nang Filipinas. Bukod sa napakababait nila, napakahuhusay, napaka humble, magaganda, cute at talaga pong nagpreprepara, nag uubos ng oras at binibigay lahat para manalo. Mayroon talagang short term at long term goals ang coach nila, at ang attitude niya ibang iba sa coach ng Gilas, kaya nilang manalo. Encouraging talaga.

Ang Gilas, wala nang gilas. Kailangan na ng pagbabago o kailangan na rin magbago ng pangalan.

Ang Filipinas ang husay, at ang husay pa ng programa ng PFF, ng kanilang coaching, conditioning at training staff at ang mindset nila ay talagang maabot ang ginto. Hindi sasali lang para sumali, pero sasali para manalo.

Wala pong rason para hindi suportahan ng bayan, bumili ng kanilang merchandise, bumili ng ticket ng mga laro nila at suportahan ng todo todo, dahil sulit naman po. Hindi po lugi ang bayan at ang fans sa PFF at Filipinas. 

Laban Pilipinas!

Kasali po sila sa FIFA World Cup sa isang taon rin po na gaganapin sa Australia. Ito po ang World Cup na hihintayin ng bayan.

Tsaka bukod sa football, puwede naman tayong maglaro sa baseball at volleyball, wala lang talagang suporta.

Noli, Chino at Quinito

Sa Bahay Na Lang Manood

Petisyon Para Ibalik Si Coach Nenad at Coach Tab