Chot Reyes - Good Job

Gilas Pilipinas

Palagi po nating binabatikos ang mag-amang Chot at Josh Reyes, ang head coaches ng Gilas Men's Senior at Junior Teams.

Pero this time, give credit tayo sa kanila at sa coaching staff ng Gilas dahil they deserve it, big time.

Wise

At napaka-wais po talaga ni Coach Chot, dahil pagkapanalo at pagkabawi ng SEA games gold medal, bigla siyang nagpahayag na eto na daw ang last time niya magcocoach ng SEA games.

Matalino po talaga si coach dahil alam niya na dumaan talaga sa butas ng karayom ang Gilas para manalo sa Indonesia at Cambodia. At alam na rin niya na nagpapalakas na lahat ng ibang SEA teams at lalo nang mahirap manalo sa mga susunod na SEA games. So retire na sa SEA games habang nasa itaas.

Adjustment

In fairness, nai-apply rin ni Coach ang kanyang mga natutunan sa mahabang panahon ng learning experience -- nag-adjust at nagprepara talaga ang Gilas sa huling dalawang laban nila kontra sa Indonesia at Cambodia, at suwerte sa tres, maganda ang depensa at may mga play na. Tapos hindi na 6-7 player lang ang pinaglalaro at medyo nabalasa ang mga player. Malaking bagay rin kasi na wala ang mga paborito nitong mga player.

Salamat

Coach Chot, assistant coaches, training at support staff at mga player, maraming salamat at nagbigay po kayo ng karangalan at kaligayahan sa bayan at sa mga Pinoy basketball fans. Ito lang po talaga ang rason kung bakit may nagsisitang mga totoong fans (hindi haters) kasi gusto lang nila manalo ang Gilas. At ayaw nila ng puro paluchot at politika, palakasan at pera pera.

Para Sa Bayan

Malaking pasasalamat din po kay Justin Brownlee na kagaya ng buong team ay ibinigay lahat lahat sa mga laban, lalong lalo na sa (semis) Indonesia at (finals) Cambodia. At wala pong kayabangan itong si Brownlee.

Brownlee

Development Team

Ang tanging batikos lang natin kay coach ay ang sinabi niyang dapat may development team ang Gilas at eto daw sana ang gawin para sa mga susunod na laban ng Gilas.

Ang nakakatawa po rito ay ito po ang plano ng dating Program Director at Head Coach ng Gilas na si Coach Tab Baldwin. Pinatupad na po ito ni Coach Tab at eto po sana ang plano niya para sa World Cup sa Manila ngayong taon at mahabang preparasyon noong siya pa ang Program Director ng Gilas.

Coach Tab

Ngunit nasayang lang lahat ng sinumulan ni Coach Tab. Dahil kung maalala po natin, pinagtulungan pong maalis sa puwesto si Coach Tab at ang pinalit po ay ang mag-amang Reyes. At sa kasamaang palad ay iniscrap po ni Coach Chot ang mga plano at mga nasinumulan ni Coach Tab, back to zero.

Nagising

Ngunit ngayon po, parang biglang nauntog at nagising na si Coach Chot at nasabi po niya na dapat talaga pala yung plano ni Coach Tab ang nasunod.

Parang napahiya siguro sa sinabi ng mayabang na coach ng Cambodia na sinabihan si Coach Chot na wala pa siyang naabot at tuturuan daw niya si Coach Chot ng Euro style coaching. Katawa-tawa po ang coach ng Cambodia at hindi na dapat ito pinapatulan o pinagpapapansin. Wala pa ngang na-aaachieve mayabang na.

FIBA World Cup 2023

Anyway, tatlong buwan na lang po at World Cup na. At gaya ng nakagawian na ay dating style nanaman ni coach ang papairalin. Ito na sana ang huling pagkakataon na magcocoach ang mag-amang Reyes ng mga Gilas teams, dahil napakarami namang ibang coaches. Give chance to others, step down na after World Cup at kung susuwertihin at kung maaari, step down na, now na.

Laban Pilipinas.

SBP Tama Na Ang Mga Palusot

 

Ang tagal na pong nagtatanong ang mga Filipino basketball fans -- bakit ba sa dinami-dami ng pagpipilian bakit ang mag-amang Reyes po ang head coach ng Senior at Junior men's Gilas basketball team.

Wala na po bang iba?

Tama na po ang mga palusot at learning experience. Ang ibang mga bansa nag-iimprove ang Gilas po nag-iimplode. Pataas po sila sa FIBA ranking, pababa naman ang Gilas.

Nauuna Ang Yabang

Alam na natin na dehado po tayo sa SEA games. Ngunit palagi na lamang tayong hindi preparado at mayroong palusot kapag natatalo. Ito po sana ay ang pagkakataon para maredeem ang ginto na naagaw ng Indonesia, ngunit sa preliminary round pa lang talo na.

World Cup

Sa WC po kaya, may pag-asa ba tayong manalo kahit po isang game?

O magiging kahihiyan nanaman po kagaya ng dalawang nakaraang SEA games?

Pagbotohan

Ang suhestiyon po sana ay tawagin na lahat ng puedeng isama sa Gilas pool. At sa kadahilang sila ang maglalaro sa World Cup baka sakaling sila na rin po ang mas nakaka-alam kung sino ang sa tingin nila ang tamang head coach at tamang program director.

Magsigawa na po sana ng pagboto ang mga players at pagpilian galing sa listahan ng lahat ng mga coaches kung sino ang tingin nilang head coach, assistant coaches at trainers ang nararapat. 

Maraming Iba

At napakarami naman pong ibang coach sa atin maliban sa mag-amang Chot at Josh Reyes. Di po ba?

Mas nakakahiya dahil sa sarili nating bayan gaganapin ang mga laro. At sa Agosto na po ito. 

Para Sa Bayan

Umpisahan na po ang pagboto at kung sino ang napupusuang program director, head coach at assistant coaches ng mga player, ay mag-umpisa na pong pumili ng top 23 players at mag-prepara na, mag-scout ng kalaban at magtulong tulong para sa bayan pagkagaling po sa Cambodia, manalo matalo, pero alam na po ng taong bayan na medyo malabong maredeem ang SEA games gold bago pa man sila umalis papuntang Cambodia. Sa WC kung ang mag-amang Reyes pa rin po ay alam na rin natin ang magiging resulta.

Magkaisa. Bagong Gilas Program Director at bagong coach. Let's go. Laban Pilipinas.

Ang Buhay Parang Voltes V

Ang buhay ng tao ay parang Voltes V. Kailangan nagtutulungan, nagdadamayan.

Sama-sama

Dapat ng vo-volt in. Hiwalay-hiwalay, watak-watak mahirap pong maabot ang minimithi. Pero kapag sama-sama mayroong pag-asa.

May maaabot, magtatagumpay, magwawagi.

Ang unang Voltes V anime ay pinalabas sa Pilipinas noong late 70s. Eto po ay ipinahinto at hindi natapos maipalabas ang lahat ng mga episode.

Dahil po bi-nan ng dating Pangulo, si Ferdinand Marcos. Masyado daw pong violente para sa mga bata.

Pero ang isa pang rason ay dahil po sa ang naturang animation series ay nagsasadula ng kasamaan at kasakiman ng mga namumuno, ang tagumpay po ng mga nagrerebelde, at ang pagrerebolusyon ng mga inaapi.

Ang mga batang 70s po ay lumaki sa ilalim ng Batas Militar. Ang mga bata po ay hindi narasanasan ang buhay noong 50s at 60s. Ang mga nakakatanda ay alam po ito. Ang ilan ay alam ang tunay na estado at kalagayan ng bayan. Mayroon pong diktadurya, pag-aabuso at korupsyon. Kahit po sabihin pa nating may mga nagawang mabuti, mayroon pong mga naitatagong kasakiman at kasamaan.

Hati-hati

Mayroon pong pabor sa pamamahala ng Pangulo at mayroon din pong tumututol at meron rin pong mga nagtatangkang maghimagsik at palitan ang gobyerno.

Ngayon pong 2023, mayroong panibagong Voltes V. At nagkataon ay ang Pangulo po ng bansa ay isang Ferdinand Marcos po muli. Si Bongbong Junior po.

Nakabalik po ang mga Marcos. At kaalinsabay, nakabalik rin po ang Voltes V.

Ang buhay ay sadyang parang Voltes V. Mahaba po ito. Ma-aksyon, ma-drama, ma-dugo. Minsan nasa itaas, minsan nasa ibaba, parang gulong (gulong ng palad).

At kagaya po ng Voltes V, nagkakawatak-watak nanaman ang mga taong bayan, mayroong patay na patay sa bagong Voltes V, merong baduy na baduy, may mga nang-aasar, nangungutya. May mga die-hard Kapuso may mga die-hard Kapamilya. May mga die-hard K-drama.

Di nanaman po nagkakaisa ang sambayanan. Kaya ayan po, paulit-ulit lang ang serye ng buhay, parang mga walang kupas na mga teleserye at mga palabas ng pelikulang Pilipino.

Sana mauntog na po tayo at magising. Sa ikauunlad ng bayan... __________ ang kailangan.